सोलुखुम्बु । माप्य दुधकोशी गाउँपालिका १ जुभिङमा आयोजित मोतिबिन्दु छनौट शिविरबाट १२ जना छानिएका छन् ।

तिलगंगा आँखा प्रतिष्ठान काठमाण्डौँ र जिल्ला सामुदायिक आँखा केन्द्र फाप्लुको संयुक्त आयोजनामा सञ्चालन भएको शिविरमा १ सय ८९ जनाले आँखा परीक्षण गराएका थिए । जसमध्ये १२ जनामा मोतिबिन्दुको समस्या देखिएको आखाँ स्वास्थ्य कर्यकर्ता दिनेश राईले बताए ।

शनिबार काँकु स्वास्थ्य चौकीबाट सुरु गरिएको मोतिबिन्दु छनौट शिविर जिल्लाका विभिन्न स्वास्थ्य चौकीमा क्रमश संचालन गरिने र छनौटमा परेका बिरामीहरुको आगामी असोज २४ र २५ गते तिलगंगा आखा प्रतिष्ठानका दक्ष चिकित्सकद्धारा जिल्ला सामुदायिक आँखा केन्द्र फाप्लुमा निशुल्क शल्यक्रिया गरिने राईले बताए ।