मेस्सी र स्वारेजको डिनर भेटघाट

एजेन्सी-बार्सिलोनाका सुपरस्टारद्वय लियोन मेस्सी र लुइस सुआरेज बुधबार रातीसँगै बार्सिलोनाको एक रेष्टुरेन्टमा सँगै देखिएका छन् । उनीहरुले त्यहाँसँगै खाना खाएको बताएको छ ।

व्यक्तिगत रुपमा निकै नजिकको सम्बन्ध रहेका यी दुईबीच बार्सिलोनाका खेलाडीका रुपमा त्यो अन्तिम डिनरका रुपमा हेरिएको छ । मेस्सीले आफुले क्लब छाड्न चाहेको पत्र क्लबलाई दिएका छन् । अर्कातर्फ प्रशिक्षकका नयाँ प्रशिक्षक रोनाल्ड कोम्यानले सुआरेजलाई आफ्नो योजनामा नरहेको प्रष्ट पारिसकेका छन् ।

रेष्टुरेन्टबाट निष्कदै गर्दा मेस्सी र सुआरेजको तस्बिर सार्वजनिक भएको छ । उनीहरु अलग अलग कारमा थिए । क्लब छाड्ने घोषणा पछि मेस्सी पहिलो पटक सार्वजनिक रुपमा देखिएका हुन् । सुआरजले मेस्सीको निर्णयको पक्षमा आफू रहेको बताएका छन् ।

म्यानचेस्टर सिटीले मेस्सीले भित्राउनका लागि प्रयास थाल्ने बताइरहेको छ । त्यसअघि मेस्सीले क्लबसँगको विषय टुंगाउनुपर्ने हुन्छ । यसबीचमा ३३ वर्षे अर्जेन्टिना सुपर स्टार क्लबको प्रि सिजन प्रशिक्षणमा भने सामेल हुने भएका छन् ।