चितवन,माघ २७-

प्रधानमन्त्री पुष्पकमल दाहाल ‘प्रचण्ड’ ले चितवनको विकासका लागि नयाँ प्याकेज सार्वजनिक गरेका छन् ।

बुधबार भरतपुरमा भएको एक समारोहलाई सम्बोधन गर्ने क्रममा उनले झण्डै तीन दर्जन विकास योजना समेटिएका प्याकेजका योजनाहरु बताएका हुन् । दोस्रोपटक प्रधानमन्त्री बनेका प्रचण्डले चितवन आएको चौथो पटकमा प्याकेज सार्वजनिक गरेका हुन् ।

प्याकेज कार्यक्रममा भरतपुर उपमहानगरपालिका र पश्चिम चितवन क्षेत्रलाई बढी मह¤व दिइएको छ । पूर्वचितवनलाई केही मह¤व दिइएको छ तर माडी र पहाडी क्षेत्रमा प्याकेजका कार्यक्रम खासै छैनन् । यस क्षेत्रमा एउटा एउटा मात्र योजना परेका छन् । जसले जनताको जीवनसँग प्रत्यक्ष सरोकार राख्दैन ।

पहाडका स्थानीयको जीवनसँग प्रत्यक्ष असर पर्ने गरी कुनै पनि योजना सार्वजनिक भएनन् । पहाडी गाविसको दारेचोक स्थित कुरिनटारमा रहेको सर्वशान्ति माविलाई ९० लाखको योजना परेको छ । त्यसबाहेक पहाड लक्षित कुनै योजना छैनन् । प्रधानमन्त्रीले दिएको जानकारी अनुसार माडी शीतलपुर र खैरहनीपुरमा एकता स्तम्भ निर्माणका लागि ५०÷५० लाख बजेट विनियोजन गरिएको छ ।

प्याकेजमा सार्वजनिक गरिएका मध्ये १७ योजना सडक निर्माण र कालोपत्रेसँग सम्बन्धित रहेका छन् । प्रधानमन्त्री दाहालका अनुसार पश्चिम चितवनको शारदानगरमा ५० करोड लागतमा रंगशाला बन्ने छ । प्याकेजको सबैभन्दा ठूलो बजेटको योजना खेदकुद क्षेत्रको रंगशालामा परेको छ । त्यस्तै, भरतपुर र पर्सामा ४÷४ करोडमा कभर्डहल निर्माण हुनेछ । चितवनको पाँचवटै निर्वाचन क्षेत्रमा ५०÷५० लाख योजनाका पाँच खेलमैदान निर्माण प्रक्रिया अघि बढेको प्रधानमन्त्री दाहालले बताए ।

त्यस्तै विशेष आर्थिक कार्यक्रमअन्तर्गत चितवनको शक्तिखोरमा औद्योगिक क्षेत्र निर्माणका लागि आगामी मन्त्रिपरिषद् बैठकमा निणयार्थ प्रस्तुत गरिने उनले बताए । आद्योगिक क्षेत्र निर्माणले चितवनको रणनीतिक र आर्थिक विकासमा टेवा पुग्ने प्रधानमन्त्री दाहालले बताए ।

प्रधानमन्त्री दाहालले अधिकांश योजनामा सडक निर्माणलाई समेटेका छन् । अधिकांश योजनाहरु भरतपुर र पश्चिम चितवन केन्द्रित रहेका छन् । प्रधानमन्त्री दाहालका अनुसार भरतपुर अस्पताललाई केन्द्रीयस्तरको अस्पतालको रुपमा विस्तार गरी स्नातक र स्नात्तकोत्तर तहको पढाइ यसै वर्षबाट सुरू गर्ने गरी सरोकारवालासँग छलफल भइरहेको छ ।

त्यस्तै भरतपुर–४ मा अन्डरग्राउण्डसहितको तरकारीमण्डी निर्माण हुने उनले बताए । भरतपुरमा सिटी हल, भरतपुरमा चक्रपथ निर्माण, भरतपुरबाट खोलेसिमल हुँदै भण्डारासम्म वैकल्पिक हाइवेको निर्माण, भरतपुर १० मा एकीकृत ढल आयोजनाको कामका लागि बजेट विनियोजन गरिसकिएको प्रधानमन्त्री दाहालले बताए ।चितवन पोष्ट दैनिकवाट