चितवन, माघ २५–
चितवनमा आज भएको छुट्टा–छुट्टै दुर्घटनामा परि एक जनाको मृत्यु भएको छ भने तीन जना घाईते भएका छन् ।
पूर्वी चितवनको रत्ननगर नगरपालिका–१ बकुलहर चोक नजिक भरतपुरबाट टांडी तर्फ जांदै गरेको ना ५ ख ९७०४ नम्बरको खाली ट्रकले ठक्कर दिँदा अन्दाजी २६ वर्षका एक पुरुषको ज्यान गएको प्रहरीले जनाएको छ । गम्भिर घाईते भएका उनको उपचारको क्रममा कलेज अफ मेडिकल साईन्सेस शिक्षण अस्पताल भरतपुरमा मृत्यु भएको प्रहरीले जनाएको छ । ट्रक र ट्रक चालक जिल्ला मकवानपुर हेटौडा नगरपालिका–१ बस्ने वर्ष ३८ का केशव लामालाई प्रहरीले नियन्त्रणमा लिएको छ ।
यस्तै आजै जिल्लाको माडीमा ट्याक्टरबाट खसेर एक महिला घाईते भएकी छिन् ।
माडी–१ गर्दीबाट वसन्तपुर तर्फ आउदै गरेको ना ४ त ७८४४ नम्बरको ट्याक्टरमा सवार सोही स्थानकी वर्ष २७ कि सीता बोटे ट्याक्टरबाट खशी घाईते भएको प्रहरीले जनाएको छ । स्थानी मेडिकलमा उपचार हुन नसकेपछि थप उपचारका लागि भरतपुर ल्याइएको प्रहरीले जनाएको छ ।
यसैगरि आजै भरतपुर– ७ कान्तिपुर चोक स्थित ना २७ प ५३६ नम्बरको मोटरसाईकलले साईकललाई ठक्कर दिदा मोटरसाईकल चालक र साईकलमा पछाडि सवार एक जना घाईते भएका छन् । मोटरसाईकल चालक भरतपुर–२९ बस्ने वर्ष २४ को प्रकाश देवकोटा र साईकल पछाडी सवार भरतपुर–१४ बस्ने वर्ष ८ का सागर तामाङ घाईते भएको प्रहरीले जनाएको छ । उनीहरुको अवस्थाम सामान्य रहेको छ ।
यसैगरि मोटरसाईकल र स्कूटी ठोक्किदा एक जना घाईते भएका छन् । भरतपुर–१० नयाँ मेडिकल कलेज नजिकै ना १५ प १८८२ नम्बरको स्कूटी र ना १६ प ९०१५ नम्बर एक आपसमा ठक्कर खादा स्कूटी पछाडी सवार रत्ननगर–१० बस्ने बर्ष ५२ की जुना थापा घाईते भएको प्रहरीले जनाएको छ ।