नन्दिनीले गर्यो २ वर्षमा ३७० पशुको बिमा

चितवन, माघ १५–

पूर्वी चितवनको खैरहनी–१५ स्थित नन्दिनी दुग्ध उत्पादक सहकारी संस्था अन्र्तगत रहेको पशुधन सुरक्षण उपसमितिको दोश्रो वार्षिक साधारण सभा शनिबार सम्पन्न भएको छ ।

पशु सेवा केन्द्र खैरहनीका प्रमुख युगेश्वर शाहको प्रमुख आतिथ्यतामा भएको सो कार्यक्रममा उपसमिति संयोजक शुशिल कँडेलले वार्षिक प्रगति प्रतिवेदन र कोषाध्यक्ष गोपाल प्रसाद सापकोटाले लेखा परीक्षण प्रतिवेदन प्रस्तुत गरेका थिए । दुई वर्षको अवधिमा उपसमितिमा ३ सय ७० जनाले पशुको विमा गरेको संयोजक कँडेलले पेश गरेको वार्षिक प्रतिवेदनमा उल्लेख छ । सुरुमा किसानहरुलाई बीमाको बारे बुझाउन नसक्दा किसानले खासै चासो नदिएको उनले बताए ।

यो अवधिमा ५ वटा पशुको मृत्यु भएकोमा त्यसको क्षती बापत १ लाख ४१ हजार रुपैयाँ किसानले प्राप्त गरेको कोषाध्यक्ष सापकोटाले जानकारी दिए । उपसमितिका २ सय ४८ सदस्य छन् । पशुको मृत्यु, बाँझोपन र थुनेलोबाट हुने क्षती न्यूनीकरणका लागी बीमा गर्न संस्थाले किसानलाई प्रेरित गर्दै आएको छ । नन्दिनी दुग्ध उत्पादक सहकारी संस्थाका अध्यक्ष बालकृष्ण उप्रेतीको अध्यक्षतामा साधारण सभा सम्पन्न भएको थियो ।