- TRENDING
- ENGLISH
हालको खबर
आजबाट नेपाल आइडलको अडिसन सुरु
काठमाडौं,माघ १२ –
नेपाल आइडलको अडिसन बुधबारबाट सुरु भएको छ । नेपालगञ्जबाट अडिसन सुरु भएको हो । नेपालगञ्जको अडिसन दुई दिनसम्म चल्नेछ ।
नेपालगञ्जपछि अन्य मुख्य शहरहरु बुटवलमा माघ १५, नारायणगढमा माघ १८, वीरगञ्जमा माघ २१, विराटनगरमा माघ २४ र २५, पोखरामा माघ २९ र फागुन १ तथा काठमाडौंमा फागुन ७ र ८ गते अडिसन लिने आयोजकले जनाएको छ ।
१६ देखि ३० वर्ष उमेर समूहका व्यक्तिले यस गायन प्रतियोगितामा भाग लिन पाउने छन् । नेपाल आइडलको निर्णायकमा न्यूह बज्राचार्य, कालिप्रसाद बास्कोटा र इन्दिरा जोशी छन् । प्रतियोगिता एपीवान टेलिभिजनबाट हेर्न सकिन्छ ।
प्रतियोगिताको विजेताले साढे ३१ लाखको कार, २० लाख रुपैयाँ र १५ लाख रुपैयाँ बराबरको भिडियो एल्वम प्राप्त गर्नेछन् ।
