श्रीलंकाली आईजीपीद्धारा रामग्राम स्तुपको अवलोकन

मोहम्मद ईजहार शेष,
परासी, माघ ७–

श्रीलंकाका प्रहरी महानिरीक्षक आईजीपी जय सुन्दराले आज भगवान गौतम बुद्धको एक मात्र अष्ठधातु रहेको नवलपरासीको रामग्राम स्तुपको अवलोकन गर्नु भएको छ ।
आईजीपी सुन्दरालाई रामग्राम स्तुप संरक्षण तथा बिकास संस्थाका अध्यक्ष सम्भु उपाध्याय रामग्राम बौद्ध समाजका अध्यक्ष शिवशंकर हरिजनले स्वागत गर्नु भएको थियो ।
स्तुपको अवलोकन गर्दै उँहाले संरक्षण र बिकास हुन नसकेको भन्दै चिन्ता ब्यक्त गर्नु भयो । स्थानीयसँग कुरा गर्दै आईजीपी सुन्दराले स्तुपको संरक्षण र बिकासका लागि नेपाल सरकारको चासो हुनुपर्ने बताउनु भयो । नेपाल सरकारले रामग्राम स्तुपको बिकासका लागि लुम्बििनि बिकास कोषलाई जिम्मा दिएको छ । तर कोषद्धारा रामग्राम स्तुपको बेवास्ताका कारण यँहा पुर्वाधार बिकास हुन सकेको छैन । रामग्राम स्तुपमा आन्तरीक तथा बाह्य प्रयटक र राजनितिक दलका प्रमुखहरुको आगमन हुने गरेपनि स्तुपको बिकासमा केही फरक देखिन सकिएको छैन् ।