सृजना अर्याल,

चितवन, पुस ११–

महिला वर्ग जहाँ रहे पनि आत्मनिर्भर बन्ने प्रयासमा लाग्नु पर्ने सांसद गीता वाग्लेले बताउनुभएको छ । रोटरी क्लव अफ चितवन र रोटरी स्पाउस क्लव अफ चितवनको संयुक्त आयोजनामा भएको जिल्ला कारागार भरतपुर हुने ५ दिने क्रिष्टल गहना बनाउने तालिमको उद्घाटन गर्दै सांसद वाग्लेले यस्तो बताउनु भएको हो । उहाँले रत्नाकर डाकु पनि वाल्मीकी जस्तो प्रकाण्ड विद्धान बन्न सकेको उदारण दिदै गल्तीबाट सिक्नु पर्ने बताउनु भयो । उहाँले महिलालाई जेलमा देख्नुपर्दा नरमाइलो लागेको भन्दै सकारात्मक साँेच राखेर अगाडि बढ्नु सुझाब दिनु भयो ।
कारागारका जेलर कमलप्रसाद काफ्लेले महिला कैदिवन्दीका लागि आयआर्जनका तालिम आवश्यक रहेको बताउनु भयो । जेलर काफ्लेले तालिमको साथ साथै बजारीकरणको लागि पहल हुनु पर्ने बताउनुभयो ।
रोटरी क्लव अफ चितवनका अध्यक्ष चन्द्रमान श्रेष्ठ र रोटरी स्पाउस क्लव अफ चितवनकी अध्यक्ष योगीता पियाको अध्यक्षताम सम्पन कार्यक्रममा कविता चुके, शरद गोपाल न्यौछेलगायतले कार्यक्रमको उदेश्य माथि प्रकाश पार्नु भएको थियो ।

कार्यक्रमा समाजसेवी उत्तमलाल चुके, श्रीभक्तअच्युत वाग्ले, निरन्जन प्रधान, निरज खनाल, रोशन पिया, योगमाया श्रेष्ठलगायतको उपस्थिति रहेको थियो ।
दुई नाबालकसहित चितवन जिलला कारागारमा हाल ५३ जना महिला बन्दि सहित ५ सय ८५ जना कैदि बन्दि रहेको कारागारले जनाएको छ ।