स्थानीय निर्वाचनमा महिलालाई अवसर दिउँः मानवी
ज्ञानु पंगेनी,
नवलपरासी, मंसिर २६–
साँसद शान्ता मानवीले अब हुने स्थानीय निर्वाचनमा महिलालाई अवसर दिनुपर्ने बताएकी छिन् ।
महिलाहरु असक्षम भएको भन्दै निर्वाचनमा महिलालाई अगि सर्न नदिने परिपाटी अझै हाम्रो समुदायमा रहेकाले राजनीतिमा महिला सहभागिता न्यून रहेको उनले बताईन् । हिमाल, पहाड र तराईका महिलालाई शशक्त बनाई अबको स्थानीय निकायको निर्वाचनमा महिलालाई अग्रपङ्गतीमा ल्याउनुपर्ने उनले जोड दिईन् । अखिल नेपाल महिला संघ नवलपरासीको आयोजनामा आईतबार कावासोतीमा भएको महिला हिंसाविरुद्धको १ दिने अन्र्तसम्वाद कार्यक्रममा बोल्दै मानविले यस्तो बताएकी हुन् । यस्तै उनले महिला अधिकार र स्वतन्त्रताका कुरा मात्रै गरेर बस्ने समय नहरेको भन्दै सबै महिलाले अध्ययन र सक्षम बन्दै आफनो स्थान आफैले सुरक्षित गर्न आगैह समेत गरिन् ।
अखिल नेपाल महिला संघ नवलपरासीकी अध्यक्ष पदमा जिशी श्रेष्ठको अध्यक्षतामा भएको कार्यक्रममा नवलपरासी क्षेत्र नम्बर २ का सासंद जीवन श्रेष्ठ, ३ का सासंद कृष्ण पौडेल, एमाले जिल्ला अध्यक्ष रोशन वहादुर गाहा, अखिल नेपाल महिला संघका केन्द्रिय सदस्य विमला अर्याल, नेपाल महिला संघकी सभापती कमला तिवारी पराजुली लगायतले पनि बोल्नुभएको थियो । कार्यक्रमको संचालन अखिल नेपाल महिला संघ नवलपरासीकी सचिव लिला थनैत पोख्रेलले गर्नुभएको थियो ।
