भूकम्पपीडितलाई पहिलो किस्ताको रकम बाड्न सुरु

गोरखा, मंसिर १६–

गोरखाको मकैसिङ गाविसले भूकम्पपीडितहरुलाई पहिलो किस्ताको अनुदान ५० हजार रुपैयाँ बुधबारदेखि वितरण गर्न सुरु गरेको छ ।
रकम असोजमा नै आए पनि भूकम्पपीडितहरु रकम लिन बैँक अपायक परेको भन्दै नगएपछि रकम वितरण गर्न ढिला भएको मकैसिङ गाविस सचिव बाबुराम शर्माले जानकारी दिनुभयो ।
मकैसिङ गाविसका भूकम्पपीडितहरुका लागि मनकामनामा रहेको ग्लोबल आई.एम.ई. बैँकमा तोकिएको थियो । मनकामना जान चितवनको दारेचोक–३ चेरेसबाट केबलकार चढेर जान पर्ने भएपछि अपायक भएको पीडितहरुले गुनासो गरेका थिए ।
पीडितहरु अपायक परेको भन्दै रकम लिन नगएपछि चितवनको दारेचोक–३ कुरिनटार स्थित ग्लोबल बैँक मनकामनाको शाखामा नै रकम लिने व्यवस्था मिलाइएपछि आज देखि वितरण सुरु गरिएको हो । बुधबार पहिलो दिन ८६ जना भूकम्प पिडितले रु ५० हजार बुझेको सचिव शर्माले जानकारी दिनुभयो ।
मकैसिङ गाविसमा ६१२ घरधुरी रहेकोमा सबै घर भूकम्पले क्षती पु¥याएका छन । ६१२ घर मध्ये ४१३ जनाको नाम सिफारिस भएर आएको सचिव बाबुराम शर्माले जानकारी दिनुभयो । अन्यको भने जग्गाको लाल पुर्जा नभएको तथा कार्ड लिने घरमुली विदेश गएका कारण सफिारिस नभएको शर्माको भनाईछ । ४१३ सिफारिस भएको मध्ये अहिले अहिले सम्म ३३३ जना मात्र सम्झौता गर्न आएको पनि सचिव शर्माले बताउनुभयो ।