थुलुङ दुधकोशी अध्यक्ष रनिङशिल्ड सुरु
सोलुखुम्बु । थुलुङ दुधकोशी गाउँपालिका अध्यक्ष रनिङ शिल्ड प्रतियोगिता सुरु भएको छ ।
कोशी प्रदेशका माननीया संसद गोम्बु शेर्पा (कर्ज्याङ)को प्रमुख आतिथ्यमा थुलुङ दुधकोशी गाउँपालिका मुक्लिमा आज (बिहिबार) बाट छैटौ अध्यक्ष रनिङ शिल्ड प्रतियोगिता सुरु भएको हो ।
राष्ट्रपति रनिङ शिल्ड प्रतियोगितामा पालिका भित्रका १० वटा माध्यमिक विद्यालयले सहभागिता जनाउदै छन्, भने अध्यक्ष कपका लागि संघीय संरचना अनुसारका वडाबाट महिला तथा पुरुष खेलाडीहको सहभागीता जनाउनेछन ।
जिल्लास्तरीय अन्तर वडा महिला तथा पुरुष अध्यक्ष रनिङ शिल्ड भलिबल प्रतियोगिता तर्फ प्रथम, द्धितिय र तृतिय हुने टिमलाई क्रमशः १ लाख, ७५ हजार, ५० हजारको साथमा ट्रफि, मेडल प्रमाणपत्र प्रदान गरिने छ । खुल्ला महिला तथा पुरुष डबल व्याटमिन्टन प्रतियोगिता तर्फ प्रथम, द्धितिय, तृतियलाई क्रमशः १८ हजार, १४ हजार र १० हजारको साथमा ट्रफि, मेडल प्रमाणपत्र प्रदान गरिने छ ।
उक्त कार्यक्रममा कृषि मेला प्रदर्शन गरिनुका साथै स्थानिय खानाको परिकार समेत प्रदर्शन गरिएको छ । कार्यक्रममा भव्य सांगितिक साँझको समेत आयोजना गरिएको छ । सांगितिक कार्यक्रमको लागि स्थानिय कलाकारको साथमा ख्याती प्राप्त गायक शिव परियार, द भ्याईस अफ सिजन ५ का फाइनलिस्ट कुमार प्रयास लगायत कलाकारको प्रस्तुती रहनेछ ।
कार्यक्रममा जिल्ला समन्वय समिति सोलुखुम्बुका प्रमुख कृष्णा प्रसाद निरौला, प्रमुख जिल्ला अिधाकरी, नेचासल्याङ गाउँपालिका अध्यक्ष धन्जन राई, माप्य दुधकोशी गाउँपालिका उपाध्यक्ष गौरब राई, लगायतका अतिथिहरुको उपस्तिथि रहेको थियो । कार्यक्रम पौष २९ गते सम्म जारी रहने छ ।
