सोलुखुम्बु । थुलुङ दुधकोशी गाउँपालिका-६ मुक्लीको जोकु चौतारा देखि बोर्दिम सम्मको गोरेटो बाटो सरसफाइ गरिएको छ ।
ओगानेम आमा समुहको सक्रियतामा शनिबार तीन किलोमीटर सडक सरसफाइ गरिएको समुहका सह-सचिव धनरुपा राईले जानकारी दिए ।
समुहका सह-सचिव धनरुपा राईको नेतृत्वमा गरिएको उक्त सरसफाइ कार्यक्रममा ११ जना सदस्यहरुको सहभागीता रहेको बताइएको छ । दशै, तिहार लगायतको चाडपर्व नजिकिएकाले मानिसको आवगमन बढ्ने हुँदा सरसफाइ आवश्यक रहेको उहाँको भनाई छ ।
सामान्य गाउँ टोलको गोरेटो बाटो तथा सडक सरसफाइ गर्ने दायित्व सरकारको मात्र नभई स्थानीय नागरिक तथा समुहको समेत भएकाले आफुहरु सक्रिय बनेको सह-सचिव राईले बताए ।
गाउँ समाज सुधार गर्नको लागि समाजकै नागरिक सचेत हुनुपर्ने उहाँको भनाई छ ।