नेकपा माओवादी केन्द्रका अध्यक्ष प्रचण्ड थुलुङदुधकोशी आउने

गाउले सम्बाददाता

काठमाडौ । पूर्वप्रधानमन्त्री एबम नेपाल कम्युनिस्ट पार्टी माओबादिका अध्यक्ष पुष्पकमल दहाल ‘प्रचण्ड’ सोलुखुम्बुको थुलुङ दुधकोशी आउने भएका छन ।थुलुङ दुधकोशी गाउँपालिकामा निर्मित विभिन्न कार्यालयको उद्घाटन गर्न दाहाल असोज ३ गते सोलुखुम्बु आउन लागेको गाउँपालिका अध्यक्ष अशिम राईले जानकारी दिए । अध्यक्ष राईका अनुसार गाउँपालिकाको प्रशासनिक भवन, ५० शैय्याको दुधकोसी सामुदायिक अस्पताल र थुलुङ दुधकोशी वहुप्राविधिक शिक्षालयको मास्टर विल्डिङ एकैसाथ असोज ३ गते उद्घाटन गर्ने कार्यक्रम तय गरिएको छ।

उद्घाटन कार्यक्रममा अर्थमन्त्री जनार्दन शर्मा ‘प्रभाकर’ १ नं प्रदेशका आर्थिक मामिला तथा योजनामन्त्री इन्द्र आङ्बो ‘मौसम’ र सोलुखुम्बु जिल्लाका प्रतिनिधिसभा सदस्य हेम कुमार राई ‘सुरवीर’को पनि उपस्थिति रहने राईले बताए ।