सोलुखुम्बुबाट थप दुई जना रेड पाण्डाको छाला सहित पक्राउ

गाउले सम्बाददाता

सोलुखुम्बु । दुर्लभ वन्यजन्तु रेड पाण्डाको छालासहित दुई जना सोलुखुम्बु प्रहरीले पक्राउ गरेको छ । पक्राउ पर्नेमा माप्यदुधकोशी गाउँपालिका ६ का ३० बर्षिय राजेश मगर र ४६ बर्षिय भक्त बहादुर मगर रहेका छन् ।

उनीहरुलाई सोलुदुधकुण्ड नगरपालिका ५ बाट एक थान रेडपाण्डाको छाला सहित शुक्रबार साँझ पक्राउ गरेको जिल्ला प्रहरी कार्यालय सोलुखुम्बुका सुचना अधिकारी इन्सपेक्टर महेन्द्र दर्नालले जानकारी दिए ।

पक्राउ परेका दुबै जनालाई थप अनुसन्धानका लागी निकुञ्जको जिम्मा लगाईएको प्रहरीले जनाएको छ । गत आईतबार महाकुलुङबाट सात ओटा रेडपाण्डाको छाला र रेडपाण्डा मार्न प्रयोग गरिने पाँच ओटा पासो सहित तीन जनालाई प्रहरीले पक्राउ गरेको थियो ।

उनीहरुकै बयानको आधारमा राजेश र भक्त बहादुरलाई पक्राउ गरेको प्रहरी निरिक्षक दर्नालले जानकारी दिए ।