जगत मर्दन थापाको स्वरमा ‘फूलमाया…’ (भिडियोसहित)

गाउँले न्युज – काठमाडौं ,

मोहित मर्दन थापाको प्रस्तुतिमा वरिष्ठ गायक जगत मर्दन थापको नयाँ गीत ‘फूलमाया हेर्थिन मलाई…’ सार्वजनिक भएको छ । विवस वस्तीको शब्द रचना, मनोहर सुनामको एरेञ्ज, सङ्गीत र भोला पौडेलको मिक्सिङ/रेकर्डिङ रहेको गीतको लिरिकल भिडियो सार्वजनिक भएको हो । गीतको भिडियो भकारी एमडीसी मार्फत सार्वजनिक गरिएको छ ।

यो गीत जगत मर्दन थापाको केही समयअघि सार्वजनिक एल्वम ‘म मक्किएको धुरी खाँबो’ समावेस छ । गायक जगतमर्दन थापाले ८४ वर्षको उमेरमा गीति एल्बम ‘म मक्किएको धुरी खाँबो’ केही समयअघि सार्वजनिक गर्नुभएको थियो ।

‘माया लुकाई लुक्दैन…’, ‘कोइलीले सम्झाइदियो…’ जस्ता लोकप्रिय गीतका अग्रज स्रष्टा सङ्गीतकार तथा गायक जगतमर्दन थापाले ८४ वर्षको उमेरमा पनि नयाँ-नयाँ गीत स्रोता/दर्शकमाझ पस्किरहनु भएको छ । गायक थापाले केही समयअघि आधा दर्जन भन्दा बढी गीतको लाइभ प्रस्तुति पनि गर्नुभएको थियो ।