गाउँले न्युज, काठमाडौं । विस्वभरी फैलिरहेको कोरोना भाइरस (कोभिड १९) को संक्रमणको जोखिम बढीरहेकोले सरकारले माध्यमिक शिक्षा (एसईई) परीक्षा स्थगित गरेको छ ।

भोली चैत ६ गतेबाट सुरू हुने तय भएको परीक्षामा कूल चार लाख ८२ हजार ७०७ विद्यार्थी सहभागी जनाउदै थिए । परिक्षार्थिहरु मध्ये कतिपय तोकिएको परीक्षा केन्द्र पुगिसकेका थिए ।
कूल ८६ वटा विषयका करिब ५१ लाख सेट प्रश्नपत्र छपाइ गरी जिल्ला-जिल्ला पुगिसकेका थियो । सबै तयारी पुरा भइसकेको भएपनि परीक्षा सुरु हुने अघिल्लो दिन साँझ सरकारले परिक्षा स्थगितको निर्णय गरेको छ । कोभिड १९ रोकथाम तथा नियन्त्रण उच्च स्तरीय समितिका संयोजक उपप्रधानमन्त्री ईश्वर पोखरेलले एसईई परीक्षा स्थगित गर्ने निर्णय भएको जानकारी दिए ।