बागबानी केन्द्र फाप्लुलाई माग अनुसार किवि विरुवा पुर्‍यउन सकस

गाउले न्यूज, २५ माघ, सोलुखुम्बु जिल्ला बागबानी केन्द्र फाप्लुलाई माग अनुसार किवि विरुवा पुर्ति गर्न सकस परेको छ । कृषकहरुको किवि खेति तर्फ बढ्दो आर्कषण भए पनि त्यस अनुरुप विरुवा उत्पादन हुन नसक्दा समस्या भएको हो ।

बागबानी केन्द्रले यस बर्ष ११ सय बोट विरुवा वितरणका लागी उत्पादन गरेको भए पनि ३ हजार बोट भन्दा बढी विरुवाको माग रहेको केन्द्रका बरिष्ठ बागबानी विकास अधिकृत चन्द्रमान श्रेष्ठले बताए । बागबानी केन्द्र यसै बर्ष देखि आफ्नै नर्सरीबाट विरुवा उत्पादन सुरु गरेको छ । केन्द्रको आंकलन भन्दा माग बढी रहेकाले विरुवा अपुग भएको हो ।

बागबानी केन्द्रको प्रारम्भीक आंकलन अनुसार उत्पादन गरेका विरुवा भन्दा झन्दै तेब्बरले माग बढिरहेको श्रेष्ठको भनाई छ ।

बागबानी केन्द्रले यस अघि बाहिरी जिल्लाबाटै विरुवा खरिद गरी वितण गर्दै आएको भए पनि यस बर्षबाट आफ्नै नर्सरी फामबाट विरुवा उत्पादन सुरु गरेको हो । उत्पादनको पहिलो बर्ष भएकाले पनि पर्याप्त उत्पादन गर्न नसकिएको केन्द्रले जनाएको छ ।