- TRENDING
- ENGLISH
हालको खबर
पहिरोले स्काभेटर पुरिँदा गौतमको मृत्यु
महाकुलुङ गाउँपालिकामा सुख्खा पहिरोमा परी एक जनाको ज्यान गएको छ । महाकुलुङ गाउँपालिका १ पात्लेमा सडक खन्न प्रयोग गरिएको स्काभेटरका सहयोगी लोचन गौतमको पहिरोमा परी मृत्यु भएको जिल्ला प्रहरी कार्यालय सोलुखुम्बुले जानकारी दिए ।
पात्ले भिरमा सडक खन्ने क्रममा दिउँसो एक्कासी पहिरो खसेको थियो । चालक खाना खान गएको समयमा पहिरो खसेको बताइएको छ । पहिरो खस्ने बेला सहयोगी गौतम स्काभेटरमा नै थिए । गौतम नेचा सल्यान गाउँपालिका ३ का हुन् ।
महाकुलुङ क्षेत्रमा सडक खन्न प्रयोग गरेको स्काभेट भने स्थानीय दुर्गा राईको स्वामित्वमा रहेको बताइएको छ ।
