इलाम–गत वर्षको सर्वाधिक सफल टोली त्रिभुवन आर्मी क्लब चौथो माइभ्याली गोल्डकप फुटबल प्रतियोगिताको सेमिफाइनलमा युनाइटेड सिक्किमलाई ३–१ ले हराउँदै आर्मी अन्तिम चारमा पुगेको हो ।

इलामको ठूलो टुडिखेलमा सन्चाल्न उक्त खेलमा आर्मीको दीनेश हेन्जन, नवयुग श्रेष्ठ र कप्तान भरत खवासले तथा पराजित टोलीका लागि इन्द्रजित क्षेत्रीले गोल गरे । फाइनल प्रवेशका लागि आर्मीले शुक्रबार अर्को ए डिभिजन टोली लक्ष्मी हुन्डाई मनाङ मस्र्याङ्दी क्लबको सामना गर्नेछ ।

दीनेशको गोलमा १५ औैं मिनेटमा आर्मीले खेलमा अग्रता लिएको थियो । तर इन्द्रजित ले ७१ औं मिनेटमा सिक्किममका लागि बराबरी गोल गरेका थिए । तर त्यो अग्रता पनि लामो समय टिकेन । नवयुगले ७६ औं मिनेटमा गोल गर्दै आर्मीलाई पुनः अग्रता दिलाए ।

भरतले इन्जुरी समयको पहिलो मिनेटमा गोल गर्दै आर्मीको जित पक्का गरे । आर्मीका सन्तोष तामाङ खेलको म्यान अफ दी म्याच घोषित भए र उनले १० हजार रुपैयाँ प्राप्त गरे । आर्मीले गत वर्ष मोसफलका ७ वटा नकआउट फुटबल प्रतियोगिताको उपाधि जितेको थियो । माइभ्याली फुटबल क्लबले आयोजना गरेको विजेताले ६ लाख ६६ हजार ६ सय ६६ रुपैयाँ प्राप्त गर्नेछ ।