- TRENDING
- ENGLISH
हालको खबर
गायिका मिना राईको डिम्पल मायालु सार्बजानिक भिडियो सहित
काठमाडौं, बैशाख २०७५ । गायिका मिना राईको डिम्पल मायालु गीतको म्यूजिक भिडियो सुम्निमा क्रिएसन यूट्युबमार्फत सार्वजनिक गरिएको छ । नयाँ वर्ष २०७५ सालको पहिलो दिन अर्थात बैशाख एक गतेको दिन गाउँले इन्टरटेनमेनटको कक्षबाट सो गीत सार्वजनिक गरिएको हो ।
यु के निवासी ट्विन् ब्रो लक्षुमण गुरुङको शब्द तथा बरिष्ठ संगीतकार शान्तिराम राईको संगीत रहेको उक्त गीतमा गायिका राईले स्वर दिएकी हुन् । भर्जिन भोइस रेकर्डिङ स्टुडियोमा रेकर्ड गरिएको गीतको एरेञ्ज भने धिरज श्रेष्ठले गरेका हुन् ।
रियो छमछमी सिजन-३ की फष्ट रनरअप मनिता राई, गायिका मिना राईर रुपकराज राईले फिचरिङ्ग रहेको उक्त्त म्यूजिक भिडियोको छिरिङ लामा ह्वोल्मो र देबराज गुरुङ निर्देशन गरेका हुन् भने विक्रम गौतमले श्रृंगार गरेका छन् । भिडियो सुटिङ धुलिखेलमा गरिएको हो ।
गाउँले इन्टरटेनमेन्ट प्रालिको पोष्ट प्रोडक्सनमा निर्मित उक्त म्यूजिक भिडियोको छ्याँकन र भिडियो सम्पादन गंगाराम राईले गरेका छन ।
भिडियो सार्वजनिक गर्नको लागि फेसबुक लाइभमा गायिका राईले सबैको सहयोग र मायाले गर्दा नयाँ वर्षको कोशेलीको रुपमा डिम्पल मायालु ल्याउन सफल भएको बताइन् । नयाँ वर्षको २०७५ को शुभकामना दिदै उनले प्रत्यक्ष अप्रत्यक्ष रुपमा सहयोग र सदभाव राख्ने सबैप्रति एकमुष्ट धन्यवादसमेत व्यक्त गरिन् ।
