४० वर्षदेखि महको ब्यापारमा
कचहरी डट कम, हुम्ला ।।
हुम्ला जिल्ला ठेहे गाविस वडा नं ७ बैजीबाडाका बुम लामाले ४० वर्षसम्म मह व्यापार गरेर ३० लाख आम्दानी गर्न सफल भएका छन् ।
१५ वर्षको उमेरदेखि महको व्यापार गर्ने बुम लामा अहिले ६० वर्षका छन् । महको आम्दानीबाट घर खर्च, शिक्षा, स्वास्थ्य र अन्य आवश्यक काममा यो रकमले सघाएको छ । उनले वि.सं. २०४५ सालमा महबाट सबैभन्दा धेरै २ लाख ५० हजार र न्युनतम ७५ हजारसम्म कमाई गर्दै आएका छन् । यो वर्ष २०६९ सालमा वर्षा समयमा धेरै पानी परेकोले विभिन्न प्रकारका मौरीका रोगहरुले ३८ घार मौरी भागे भने ७५ घारहरुबाट २ क्वीन्टल ५० केजी महबाट १ लाख २५ हजारको आम्दानी भएको छ । हुम्लामा बुम लामालाई मह बाजेका रुपमा चिन्दछन् ।
