बसले मोटरसाइकललाई ठक्कर दिँदा एक जनाको मृत्यु
पाल्पा, माघ २५ –
पाल्पाको तानसेन–७ बतासे डाँडामा बसको ठक्करबाट एक जनाको ज्यान गएको छ । एक जना गम्भीर घाइते भएका छन् ।
मंगलबार अघि भएको बुटवलबाट बाग्लुङका लागि छुटेको लु १ ख ६९८२ नम्बरको बसले रिडीबाट तानसेनतका लागि छुटेको मोटरसाइकललाई ठक्कर दिएको प्रहरीले जनाएको हो । घटनाको थप जानकारी आउन बाँकी छ ।
यसअघि सोमबार राति पाल्पाको दोभानमा भएको जीप दुर्घटनामा एकै गाउँका चार जनाको ज्यान गएको थियो । घटनामा अन्य १६ जना घाइते भएका छन् ।
