चितवन, माघ २३–

चितवनको माडी नगरपालिका–२ मा एक पुरुष मृत भेटिएका छन् ।
भैरबपुर निवासी अन्दाजी ४० वर्षीय चित्रबहादुर बि.क.आज मृत अवस्थामा फेला परेको माडी प्रहरीले जनाएको छ । सोहि गाउँमा रहेको भ्यागुते खोलामा खस्दा बि।क।को मृत्यु भएको हो । बिहान करिब ८ बजेको समयमा घर वि.क. एक्लै बाहिर निस्केका थिए । टाउँको दुख्ने समस्याले ग्रसित वि.क. रिङगटा लागेर पुलबाट खोलामा खसेको हुन सक्ने प्रहरीले अनुमान गरेको छ ।