दर्शकले अब ‘यता न उता हातमा जुत्ता’ हेर्न पाउने

काठमाडौं, माघ १३–

कलिउड प्रोडक्सन हाउसको पहिलो प्रस्तुती टेलिचलचित्र ‘यता न उता हातमा जुत्ता’ बन्ने भएको छ ।
सातदोबटो स्थित कलिउड प्रोडक्सनमा पत्रकार सम्मेलन गरी सो टेलिचलचित्र बारे जानकारी गराइएको हो । कार्यक्रममा निर्देशक जिवनाथ गौतम, सुशिल पौडेल, कलाकार मञ्जु श्रेष्ठ, नायिका सारिका घिमिरेलगायतको उपस्थिती रहेको उक्त कार्यक्रममा कलिउड प्रोडक्सनका संस्थापक पेमा लामा एम डि सहिमान थापा, लगायतले टेलिचलचित्र ‘यता न उता हातमा जसत्ता’लाई शुभकामना दिएका थिए ।
श्री पन्चमीबाट छांयाकन सुरु गरिने भनायिएको यस टेलि चलचित्रको निर्देशन, कथा शब्द संगीत जिवनाथ गौतम जिवन को रहेको छ । कार्यक्रममा चलचित्रको टाइटल गीत समेत प्रस्तुत गरिएको थियो । ४० भन्दा बढि सिनेमामा चिफ अशिस्टेन्ट गरिसकेका जिवनले समयको माग चलचत्रमा निर्देशन समेत गरिसकेका छन् ।
समसामहिक कमेडि तथा सेन्टिमेन्टल कथामा निर्माण गर्न लागिएको ‘यता न उता हातमा जुत्तामा’ कलाकारहरु सुरविर पण्डित, सुशिल पोखरेल, सविन लामा, मञ्जु श्रेष्ठ, राज श्रेष्ठ, स्मारिका पन्त आदि लगायत निर्देशक स्वमंको पनि अभिनय रहने जनाइएको छ । कृष्ण पाण्डेले खिच्ने यो सिरियल काठमाण्डौं वरपरको रमणीय स्थलहरुमा छायांकन गरिने बताइएको छ ।