चितवन, माघ १३–

लगातार तीन पटक रनिङ शिल्डको उपाधी जित्दै जानकी मावि मेघौलीले राष्ट्रपति रनिङ शिल्डको ट्रफी चुमेको छ ।
विहीबार सम्पन्न नवौ राष्ट्रपति रनिङ शिल्ड अन्र्तगत जिल्ला स्तरीय उपाधी जित्दै जानकी माविले ट्रफी आफ्नो विद्यालयमा भित्र्याउन सफल भयो । प्रतियोगितामा हिमालय मावि टिम द्धितिय हुँदा वीरेन्द्र आर्दश माध्यमिक विद्यालय तेश्रो भयो । टिम प्रथम भई उपाधी जितेको जानकी माविले नगद ७५ हजार रुपैयाँसहित ट्रफी प्राप्त गर्यो । टिम द्धितिय भएको हिमालय माविले नगद ५० हजारसहित ट्रफीमा चित्त बुझायो ।
राष्ट्रिय खेलकुद परिषदले दिने पुरस्कार बाहेक आयोजक जिल्ला खेलकुद विकास समिति चितवनले पनि प्रथम, द्धितिय र तृतिय हुने टिमलाई नगदले पुरस्कृत गर्यो । समितिले प्रथम हुनेलाई नगद १५ हजार रुपैयाँ, द्धितियलाई नगद १२ हजार रुपैयाँ र तृतियलाई नगद ९ हजार रुपैयाँ प्रदान गरेको जिल्ला खेलकुद विकास समिति चितवनका सचिव रामजी ढकालले जानकारी दिए ।
प्रतियोगिताको समापन तथा पुरस्कार वितरण कार्यक्रममा प्रतियोगिता व्यवस्थापन तथा निर्देशन समितिका संयोजक स्थानिय विकास अधिकारी श्रवणकुमार पोखरेल र जिल्ला खेलकुद विकास समिति चितवनका अध्यक्ष गंगालाल तामाङले विजयी टिम र विद्यार्थीलाई नगद र ट्रफी प्रदान गरे । अब टिम प्रथम र द्धितिय हुने टिमले विकास क्षेत्रस्तरीय प्रतियोगितामा प्रतिस्पर्धा गर्न पाउनेछन् । प्रतियोगिताका प्रायः सबै खेलहरुमा जानकी माविले दवाब राख्यो । एथलेटिक्सका प्राय सबै खेलमा जानकी माविनै हावी भयो भने भलिवलको छात्रामा जानकी मावि प्रथम भयो । छात्रा तर्फको फाईनलमा जानकी माविले भीमनगर माविलाई पराजित गर्यो । छात्र भलिवलमा भने व्रह्मनगर मावि प्रथम तथा भीमनगर मावि द्धितिय भयो ।
प्रतियोगिता अन्र्तगत भएको छात्र लङजम्पमा जानकी माविका भुवन महतो प्रथम भए भने वीरेन्द्र आर्दश माविका विज्ञान चौधरी द्धितिय भए । छात्रा लङपम्पमा जानकी माविकी सन्जु कुमाल प्रथम तथा जनजागृती माविकी मनिषा लामिछाने द्धितिय भएकी एथलेटिक्स प्रशिक्षक कान्ती महतोले जानकारी दिईन् । सटपुट छात्रमा वीरेन्द्र आर्दश माविका सुनिल तामाङ प्रथम, हिमालय माविका जीतबहादुर थापा द्धितिय भए । छात्रा सटपुटमा जानकी माविकी कृष्टि महतो प्रथम हुँदा गवै माविकी देवमाया थापा द्धितिय भएकी एथलेटिक्स प्रशिक्षक महतोले बताईन् ।
यसैगरी ट्रिपलजम्पमा पनि जानकी मावि हावी भयो । छात्र तर्फ जानकी माविका भुवन महतो प्रथम भए भने जानकी माविकै किसन महतोले द्धितिय स्थान हासिल गरे । छात्रा ट्रिपलजम्पमा जानकी माविकी भावना महतो प्रथम तथा प्याराडाईज एकाडेमीकी सेजिना लामिछाने द्धितिय भईन् । प्रतियोगिता अन्र्तगत ज्यावलिन थ्रोमा छात्र तर्फ कपिया माविका विशाल लामा प्रथम तथा साझापुर माविका यमनारायण महतो द्धितिय भएको आयोजक जिल्ला खेलकुद विकास समिति चितवनका कोषाध्यक्ष केशव आचार्यले जानकारी दिए । छात्रा ज्यावलिन थ्रोमा जानकी माविकी कृष्टि महतो प्रथम, प्रभात माविकी आशा महतो द्धितिय भईन् । हाईजम्पमा छात्र तर्फ माडी माविका अजित दराई प्रथम, जानकी माविका पिताम्वर महतो द्धितिय भएका समितिका कोषाध्यक्ष आचार्यले जानकारी दिए । छात्रा हाईजम्पमा गवै माविकी रेश्मा चौधरी प्रथम तथा जानकी माविकी सलमा महतोले द्धितिय स्थान हासिल गरिन् ।
प्रतियोगितामा भएको विभिन्न दुरीको दौड स्पर्धामा जानकी माविकै बर्चश्व रह्यो । दौडका प्रायः सबै प्रतिस्पर्धामा जानकी माविका छात्र छात्राले प्रथम, द्धितिय हासिल गरे । कवड्डी प्रतियोगितामा भने छात्र तर्फ गोल्डेन फ्युचर प्रथम हुँदा भीमोदय मावि द्धितिय भयो । छात्रा तर्फ साझापुर मावि प्रथम र प्याराडाईज मावि द्धितिय भए । चितवनका पाँच क्षेत्रबाट छनौट भई गएका विद्यालय र विद्यार्थीहरुले जिल्ला स्तरीय प्रतियोगितामा सहभागीता जनाएका थिए ।