सैनिक महाविद्यालयको पाँचौ अभिभावक दिवस

चितवन, माघ ८–

सैनिक आवासिय महाविद्यालयको पाँचौ अभिभावक दिवस आज (शनिबार) सम्पन्न भएको छ ।
नेपाली सेनाका मध्य पृतनापति उपरथी देबकुमार सुबेदीको प्रमुख आतिथ्यमा भएको कार्यक्रममा बिभिन्न विधामा शिक्षक र विद्यार्थीहरुलाई सम्मान गरिएको थियो । कार्यक्रममा ब्लु हाउस उत्कृष्ट हाउसबाट सम्मानित भएको थियो । २०७२ सालको अन्तिम परीक्षामा प्रमथ हुने विद्यार्थीहरु कक्षा ६ का सुगल शर्मा, कक्षा ७ का ससाङ कँडेल, कक्षा ८ की पल्बी पौडेल र कक्षा ९ की मनिसा गिरीलाई सम्मान गरिएको थियो । यस्तै उत्कृष्ट शिक्षक तर्फ याच वोडीका विभागिए प्रमुख जिगनाथ तिमल्सेना सम्मानित भएका छन् भने उत्कृष्ट विद्यार्थी तर्फ कक्षा १० का समिक्षा बस्नेत सम्मानित भएकी छिन् । गायन विधा तर्फ कक्षा ८ का अभिषेक थापा सम्मानित भएका छन् । कार्यक्रममा महाविद्यालयको मुख पत्र ‘चित्रवन’को बिमोचन भएको थियो ।
सो कार्यक्रममा प्रमुख जिल्ला अधिकारी नारायण प्रसाद भट्ट, जिल्ला शिक्षा अधिकारी गोबिन्द अर्याल, विद्यालयका प्राचार्य बिमल कुमार क्षेत्री, सम्र्पक अधिकृत प्रकाश अधिकारीलगायतले मन्तब्य राखेका थिए । २०६९ सालमा निर्माण भएको विद्यालयमा ६ देखी १० सम्म पढाई हुन्छ ।