उपत्यकामा निसासिएर एक सातामै ११ को मृत्यु
काठमाडौं,पुस १०-
काठमाडौं उपत्यकामा एक सातामा निसासिएर ११ जनाको मृत्यु भएको छ । चिसो भएका कारण कोठा भित्र आगो ताप्दा, झ्याल ढोका थुनेर सुत्दा र अत्यधिक चुरोट सेवन गर्दा ती व्यक्तिको मृत्यु भएको हो ।
घरभित्र झ्याल ढोका थुनेर बस्दा अक्सिजनको कमी हुने र निसासिर मृत्यु हुने गरेको प्रहरीले जनाएको छ । प्रहरी समाचार कक्षले जनाएअनुसार शुक्रबार भक्तपुर नगरपालिका ७ स्थित सिद्धि सालिकराम जेष्ठ नागरिक आश्रममा बस्दै आएका भारत कोलकताका गौतम बशुको बेहोस भएर मृत्यु भयो ।
कोठामै अचानक बेहोस भएपछि उनलाई उपचारका लागि नजिकैकै अस्पताल लगियो । र, उपचारकै क्रममा उनको मृत्यु भयो । प्रहरीका अनुसार लामो समय आगो तापेर बसेका कारण उनको मृत्यु भएको हो ।
उनीजस्तै ११ जनाको यस्तै कारण मृत्यु भइसकेको छ । राजधानी दैनिकमा खबर छ ।
