- TRENDING
- ENGLISH
हालको खबर
रुपन्देही जिल्ला अध्यक्ष मारिएपछि युवा संघले बोलायो आकस्मिक बैठक
काठमाडौं,पुस ४ –
अज्ञात समूहको गोली प्रहारबाट रुपन्देही जिल्ला अध्यक्ष दुर्गा तिवारी मारिएपछि युवा संघ नेपालले स्थायी कमिटीको आकस्मिक बैठक बोलाएको छ ।अध्यक्ष राजीव पहारीको अध्यक्षतामा अहिले पाँच बजेपछि केन्द्रीय कार्यालय बुद्धनगरमा बस्ने बैठकमा शोक व्यक्त गर्दै अब कसरी जाने भन्ने बारे निर्णय हुनेछ ।
‘रुपन्देहीको घटनाले हामीलाई दुःखी बनाएको छ । यसैविषयमा निर्णय लिन स्थायी कमिटी बैठक बस्दै छ । बैठकमा हाम्रो पोजिशन निर्धारण गर्छाै,’ अध्यक्ष राजीव पहारीले भने ।
सोमबार दिउँसो रुपन्देहीको देवदह– ६ खैरेनी बजारमा अज्ञात समूहले प्रहार गरेको गोली लागेर गम्भीर घाइते भएका युवा संघ रुपन्देही जिल्ला अध्यक्ष दुर्गा तिवारीको उपचारका क्रममा देवदह मेडिकल कलेजमा मृत्यु भएको थियो ।
