Warning: Trying to access array offset on value of type bool in /home/gaulekhabar.com/public_html/wp-content/themes/nepali-news-portal/header.php on line 21 भोजपुरका अग्निपीडितलाई चार लाख राहत – Gaule Khabar
यहाँका अग्निपीडितलाई ‘भोजपुर–सुनसरी सेवा समाज’ले आज राहत वितरण गरेको छ ।
समाजका अध्यक्षसहितको एक टोलीले सदरमुकाम भोजपुरस्थित आगलागी भएको स्थानमा आएर जिल्ला दैवी प्रकोपले तयार पारेको मापदण्डअनुसार अग्निपीडितलाई रु चार लाख १२ हजार ४०० नगद वितरण गरेको हो ।
‘सम्पूर्ण भोजपुरे एकजुट होऔँ पुख्र्यौली थलोको माया र सद्भावका लागि केही गरौँ’ भन्ने मूल नारा लिएर सो समाजले सङ्कलन गरेको रकम आज वितरण गरिएको समाजका सचिव रेवतीरमण राईले जानकारी दिनुभयो ।
राहत पाएपछि अग्निपीडितले आफूहरुलाई पुनःनिर्माणमा थप ऊर्जा मिलेको बताएका छन् । समाजले यसअघि मिर्गौलापीडित र भूकम्पपीडितलाई समेत सहयोग गरेको थियो । भोजपुरको सदरमुकाममा गत मङ्सिर ५ गते भीषण आगलागी हुँदा आठ घर पूर्णरुपमा जलेर नष्ट भएका थिए ।- रासस
