राजविराज, मंसिर ३०–

सप्तरीको कटैयामा रूख ढाल्दा रुखले किचेर एकजना युवकको बुधबार मृत्यु भएको छ । मृत्यु हुनेमा कटैया–३ बस्ने ४० वर्षीय युवराज मण्डल रहेको प्रहरीले जनाएको छ ।

आफ्नै घरको छेउमा रहेको बारीमा रूख काट्ने क्रममा रूख ढलेर किच्दा उनको मृत्यु भएको जिल्ला प्रहरी कार्यालय सप्तरीले जनाएको छ । उनको शवपरीक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पतालमा राखिएको प्रहरीले बताएको छ ।