काठमाडौँ, मंसिर २९ –

राष्ट्रवादी पार्टीले जातीय तथा धार्मिक सद्भाव कायम राख्न सबैमा अपिल गर्नुभएको छ ।

सो पार्टीका केन्द्रीय संयोजक सहजात मिकरानीले आज यहाँ एक प्रेस विज्ञप्ति प्रकाशित गरी बाँके जिल्लाको क्षेत्र नं। २ स्थित मटेहियामा सोमबार भएको दुई पक्षीय झडपबाट सिर्जित घटनालाई आपसी सद्भाव र भाइचाराबाट साम्य पार्नुपर्ने अपिल गर्नुभएको हो ।

धार्मिक सदभाव बिथोल्ने गरी शान्तिपूर्ण जुलुसमा दुई पक्षबीच भएको झडपमा संलग्न दोषीलाई कडा कानुनी कारबाही गर्न सो पार्टीले माग गरेको विज्ञप्तिमा उल्लेख छ ।
सो घटनामा एक जनाको मृत्यु हुनाका साथै पाँचजना गम्भीर रुपले घाइते भएको विज्ञप्तिमा भनिएको छ । – रासस