- TRENDING
- ENGLISH
हालको खबर
महोत्तरीमा जाडोबाट एकको मृत्यु
गौशाला, मंसिर २६ –
महोत्तरी जिल्लाको मटिहानी गाविसमा कठ्याङ्ग्रिदो जाडोबाट आज अपराह्न मटिहानी गाविस– ४ बस्ने ७० वर्षीय नथुनी पासवानको मृत्यु भएको छ ।
तीन चार दिनदेखि जिल्लामा चलेको शीतलहर र चिसो हावाका कारण पासवानको आज आफ्नै घरमा कठ्याङ्ग्रिएर मृत्यु भएको उनका छोरा सीतारामले बताएका छन् ।
निम्नवर्गीय परिवारका पासवानको पर्याप्त न्यानो लुगाफाटा र पोसिलो खानाको अभावमा मृत्यु भएको स्थानीय बासिन्दा बताउँछन् । जिल्लामा एक सातादेखि अत्यधिक जाडो बढेपछि जनजीवन कष्टकर बनेको छ । – रासस
