नवलपरासीमा पूर्व पश्चिम राजमार्गको पुल भाँचियो, सयौं गाडी रोकिए

ज्ञानु पंगेनी,
नवलपरासी, मंसिर २६–

नवलपरासको देवचुली नगरपालिका–१३ दलदलेस्थित बौलाहा खोलाको पुल भाँचिदा पूर्व पश्चिम राजमार्ग अवरुद्ध भएको छ । आज बिहान साढे तिन बजेको समयमा ना ६ ख ३०१७ नम्बरको खाली ट्रकले पुलको पूर्व पट्टिको भागमा ठक्कर दिँदा बाँया पट्टीको भाग १ फिट तल लच्किएपछि गर्दा हेभी गाडीहरुलाई प्रवेशमा रोक लगाईएको छ ।
यात्रु बाहाक बसलाई भने यात्रु उतारेर पुलबाट आवत जावतको ब्यवस्था बिलाए पनि ट्रक पुलमा पल्टिएर बाटो २ घण्टा पूर्ण रुपले अवरुद्ध हुँदा लामो लाम लाग्दा समस्या भएको ईलाका प्रहरी कार्यालय नवलपुरका प्रहरी नयाव उपरीक्षक राजेश थापाले जानकारी दिनुभयो । पल्टिएको ट्रक भने सो स्थानबाट हटाईएको र पुल भाचिएको स्थानमा एक तर्फी रुपमा साना सवारी मात्र संचालनमा रहेका छन भने हेभी सवारी साधनको लागि बैकल्पिक बाटो निमार्ण कार्य अगाडि बढाईएको छ ।
पुलबाट ठुला सवारी चलाउन मिल्ने नमिल्ने यातायात बिभाग बुटवलबाट ईन्जिनियरको टोलि आए पछि निक्र्योल हुने र यातायाता बिभागको टोलि बुटवलबाट आउने क्रममा रहेको प्रहरी नायव उपरीक्षक थापाले जानकरी दिनुभयो ।