- TRENDING
- ENGLISH
हालको खबर
राष्ट्रपति भण्डारीद्वारा सर्वदलीय बैठक आहृवान
काठमाडौं, मंसिर १९ –
राष्ट्रपति विद्यादेवी भण्डारीले संसदमा प्रतिनिधित्व गर्ने राजनीतिक दलहरुको बैठक आह्वान गरेकी छिन् ।
राष्ट्रपतिले आइतबार अपराह्न ४ बजे संसदमा रहेका सबै दललाई राष्ट्रपति भवन शीतलनिवास बोलाएकी छिन् ।
संविधान संशोधन प्रस्तावलाई लिएर दलहरुबीच दूरी बढ्दै गएका बेला राष्ट्रपति भण्डारीले नेताहरुलाई सहमतिबाट निकास दिन आग्रह गर्नेछिन् ।
उनले दलीय सहमतिबाटै संविधान संशोधन र कार्यान्वयनमा जुट्न प्रमुख दलका शीर्ष नेतालाई आग्रह गर्दै आएककी छिन् ।
सरकारले मंगलबार संविधान संशोधन प्रस्ताव गर्ता गराएपछि देशका विभिन्न क्षेत्रमा आन्दोलन सुरु भएको छ ।
प्रमुख प्रतिपक्षि नेकपा एमालेले संशोधन विरुद्ध उत्रिएको छ भने मधेसी मोर्चाले समेत यथास्थितिमा संशोधन प्रस्तावको समर्थन गर्न नसकिने जनाउँदै आएको छ ।
