बायो मेडिकल ईञ्जिनियरिङ्ग एसोसियसनको अध्यक्षमा पाण्डे

चितवन, मंसिर १९–

चितवनका बायोमेडिकल ईञ्जिनियर प्रकाश पाण्डे बायो मेडिकल ईञ्जिनियरिङ्ग एसोसियसन अफ नेपालको केन्द्रिय अध्यक्षमा निर्विरोध निर्वाचित भएका छन् । राजधानीमा सम्पन्न संघको सातौं केन्द्रिय साधारण सभाले पाण्डेको नेतृत्वमा नयाँ कार्यसमिति निर्वाचित गरेको छ । आगामी ३ वर्षे कार्यकालका लागि पाण्डेको अध्यक्षतामा ११ सदस्यीय समिति चयन गरेको छ ।
पाण्डे विपी कोईमेमोरियल क्यान्सर अस्पतालको बायो मेडिकल ईञ्जिनियरिङ्ग विभागका प्रमुख रहेका छन । संघको उपाध्यक्षमा रोशन बज्राचार्य, महासचिवमा लक्ष्मी त्रिपाठी, सचिवमा चिरिबाबु महर्जन र कोषाध्यक्षमा उद्धवलाल सिंह निर्वाचित भएका छन । सदस्यहरुमा सुरेश श्रेष्ठ, अमित चौधरी, राजेश बस्नेत, विनोद मानन्धर, सुरेन्द्र खड्का र राजेश शाक्य रहेको निर्वाचन संयाजक चंचल जोशीले जानकारी दिनभयो ।
स्वास्थ्य क्षेत्रमा प्रयोगमा आउने अत्याधुनिक मेडिकल उपकारण तथा औजारहरुको नियमित तथा आकस्मिक मर्मत तथा संभार उचित ब्यवस्थापन गर्ने ईञ्जिनियरिङ्ग विभागलाई बायोमेडिकल भनिन्छ । बायोमेडिकल ईञ्जिनियरिङ्गको समग्र विकास र यस क्षेत्रमा कार्यरत जनशक्तिको पेशागत हक हितमा लाग्ने नवनिर्वाचित अध्यक्ष पाण्डेले बताए ।