चितवन, मंसिर १६–

आज विश्व एआईभी/एड्स दिवस । चितवनसहित देशभर विविध कार्यक्रम गरि मनाईएको छ ।
दिवसकै अवसर पारेर आज रोटर्याक्ट क्लव अफ रत्ननगरले पहाडी गाविस शक्तिखोरमा जनचेतना मुलक कार्यक्रम गरेको छ । शक्तिखोरस्थित चर्तुमुखी उच्च मावि विद्यालयमा विद्यार्थीहरुलाई एचआईभी/एड्सको बारेमा जानकारी दिईएको हो । विद्यालय स्तरबाटै यस रोगबारे चेतना फैलाउन सके अबको पुस्तामा यो रोगको समस्या भोग्न नपर्ने भन्दै विद्यालय स्तरलाई प्राथमिकता राखेर कार्यक्रम गरिएको रोटर्याक्ट रत्ननगरका इलेक्टेड प्रेसिडेन्ट विनोद खतिवडाले जानकारी दिनुभयो । कार्यक्रममा ओएसिस मेडिकल कलेजका चिकित्सक शिशिर देवकोटा र कपिल खनालले एआईभी/एड्स बारे जानकारी गराएका थिए ।
कार्यक्रममा विद्यालयका प्रधानाध्यापक चन्द्र गुरुङ, रोटर्याक्ट क्लव अफ भरतपुरका अध्यक्ष भानुभक्त खरेललगायतले मन्तव्य व्यक्त गरेका थिए ।