हेल्प नेपालको बिजय सुरुवात
काठमाडौं । काभा पुरुष क्लब च्याम्पियनसिपमा हेल्प नेपालले विजयी सुरुआत गरेको छ । शनिबार भएको उद्घाटन खेलमा हेल्प नेपाले भारतको क्यालिकट हिरोजलाई ३–२ को सेटमा पराजित गरेको हो ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको खेलको पहिलो सेट हेल्प नेपालले २५–२२ ले आफ्नो बनाएको थियो। तर, दोस्रो सेटमा भने हेल्प नेपालले हिरोजलाई चुनौती दिन सकेन। उक्त सेट हेल्प नेपालले २०–२५ ले गुमायो। तेस्रो सेट पुन: रोमाञ्चक मोडमा पुगेको थियो। तर, हेल्प नेपालले २२–२५ ले गुमायो । योसँगै हिरोजले खेलमा १–२ को अग्रता कायम गरेको थियो ।
चौथो सेटमा हेल्प नेपाल पुनरागमन गर्न सफल भयो । २१–२१, २१–२२, २२–२२, २३–२४ हुँदै हेल्प नेपाल जितबाट टाढिसकेको थियो। तर, म्याच पोइटमा रोक्दै हेल्प नेपालले उक्त सेट २६–२४ ले आफ्नो पक्षमा पार्यो। योसँगै खेल पाँचौं सेटमा प्रवेश गरेको थियो ।
अन्तिम तथा निर्णायक सेट भने एकपक्षीय भयो। उक्त सेट हेल्प नेपालले १५–१० ले सहजै आफ्नो पक्षमा पार्यो।
