सोलुखुम्बुबाट एक सुत्केरीको हेलिकोप्टर मार्फत उद्धार

काठमाण्डौ । सोलुखुम्बु नेचासल्यान गाउँपालिकाबाट एक सुत्केरी महिलाको उद्धार गरिएकोे छ ।अचेत अवस्थामा रहेकी वडा नम्बर ५ की २४ बर्षीया प्रतिमा राईलाई हेलिकप्टर मार्फत उद्धार गरि काठमाण्डौँ पठाएको गाउँपालिका स्वास्थ्य शाखा संयोजक युवराज शर्माले जानकारी दिए ।

उनका अनुसार बिहिबार विहान ६ बजे बेतघारी स्वास्थ्य चौकीको बर्थिङ सेन्टरमा शिशु छोरालाई सकुशल जन्म दिएकी राई एक्कासी बेहोस भएपछि आज दिउँसो २ बजे उद्धार गरिएको हो । राष्ट्रपति महिला उत्थान कार्यक्रम मार्फत उद्धार गरिएको उनको प्रसुति गृह थापाथली काठमाण्डौँमा उपचार भईरहेको बताएको छ ।
शिशुको अवस्था सामान्य रहेको छ भने आमाको शरिरमा रगतको मात्रा अत्यन्त कम रहेको अस्पतालले जनाएको छ ।