सोलुखुम्बुमा निषेधाज्ञा अवधि पुनः थप गरिने

सोलुखुम्बु । विश्वभरि फैलिएको महामारी कोरोनाको कारण सोलुखुम्बुमा गत बैशाख २६ गते रातीबाट जारी गरिएको निषेधाज्ञाको अवधि आईतबार राती १२ बजे सकिदै छ । जिल्लालाई कोरोना संक्रमण फैलिनबाट जोगाउन १५ दिनका लागी गरिएको निषेधाज्ञाको अवधी आईतबार राती १२ बजे सकिने जिल्ला प्रशासन कार्यालय सोलुखुम्बुले जनाएको छ ।

यद्यपी जिल्लामा संक्रमणदर तिब्र रुपमा बढ्दै गएकाले निषेधाज्ञा पुन थप गरिने प्रमुख जिल्ला अधिकारी ९सिडिओ० गणेश विक्रम शाहीले बताए । भिड तथा जमघटबाट नै संक्रमण फैलिने भएकाले त्यसलाई रोक्न १५ दिन गरिएको निषेधाज्ञा प्रयाप्त नभएकाले पुन थप गरिने सिडिओ शाहीको भनाई छ ।

निषेधाज्ञा कति दिनको लागि बढाउने आजआईतबार डिसिसिएमसीको भर्चुअल बैठक बसेर समय अवधि निर्धारण गरिने जिल्ला प्रशासन कार्यालय सोलुखुम्बुले जनाएको छ । स्थानीय प्रशासन ऐन २०२८ को दफा ६ को उपदफा ९३० र सङ्क्रामक रोग ऐन २०२० को दफा ९२० बमोजिम निषेधाज्ञा जारी गरिएको जिल्ला प्रशासन कार्यालय सोलुखुम्बुले जनाएको छ । निषेधाज्ञामा अति आवश्यकबाहेक अन्य काम गर्न पाइने छैन ।