संसद विघटनसम्बन्धी मुद्दाको फैसला फागुन दोस्रो सातासम्म आउने संकेत

त्यसले यो बहुचर्चित मुद्दाको फैसला आउने दुई साताभित्र हुने सम्भावना बढेको छ । प्रतिनिधिसभा विघटनविरुद्धको रिटबारे जारी सुनुवाइ यसैसाताभित्र टुंग्याइसक्न विपक्षी कानुन व्यवसायीसँग आग्रह गरेका छन् । आइतवारको सुनुवाइमा राणाले सरकारी पक्षलाई मिति तोकेरै आफ्नो बहस ३० माघभित्र सक्न भनेका हुन् । प्रधानमन्त्रीको पक्षमा बहस गरिरहेका अधिवक्ता रमेश बडाललाई उनले ३० माघभित्र विपक्षीका तर्फबाट बहस सक्नुपर्ने बताए । बडालले प्रधानमन्त्रीको तर्फको बहस सकिने बताएपछि उनले सबै विपक्षीको सक्न आग्रह गरे ।

संसद विघटनविरुद्ध परेका १३ वटा रिटमा राष्ट्रपति कार्यालय, प्रधानमन्त्री तथा मन्त्रिपरिषद कार्यालय, प्रधानमन्त्री केपी शर्मा ओलीलाई विपक्षी बनाइएको छ । प्रधानमन्त्रीको पक्षबाट १९ माघदेखि बहस पैरवी भइरहेको छ । विपक्षीको बहसपछि एमिकस क्यूरीका वरिष्ठ अधिवक्तालाई समय दिने र केही दिन न्यायाधीशलाई लाग्ने प्रधानन्यायाधीश राणाले बताएका छन् ।