काठमाण्डौ । प्रदेश नं. १ का मुख्यमन्त्री शेरधन राईले शेर्पा भेषमा विवाह गरेका छन् । काठमाडौँमा ५० वर्षको उमेरमा राई बेहुला भएका हुन् ।

मुख्यमन्त्री राईले २३ वर्षीया मोडल जाङ्मु शेर्पासँग विवाह गरेका हुन् । उनीहरु केही समययता प्रेम-सम्बन्धमा थिए । प्रदेश नं. १ को नाम जुराएर मात्र विवाह बन्धनमा बाँधिने बताउँदै आएका राईले आइतबार काठमाडौँको गैह्रीधारास्थित एक पार्टी प्यालेसमा बैवाहिक बन्धनमा बाँधिएका हुन् ।

विवाहमा बेहुला र बेहुली पक्ष गरी करिब ४० जनाको सहभागिता रहेको छ । विवाहमा राष्ट्रपति र प्रधानमन्त्रीसमेत सहभागी हुने कार्यक्रम तय भएको मुख्यमन्त्री निकट श्रोतले जनाएको छ ।