प्रतिनिधिसभा विघटनविरुद्ध दाहाल–नेपाल समूहले देशभर शक्ती प्रदर्शन गर्दै

गाउले सम्बाददाता

काठमाडौँ । नेकपा (दाहाल–नेपाल) समूहले आज (मंगलबार) प्रतिनिधिसभा विघटनको विरुद्धमा देसभर शक्ति प्रदर्शन गर्दैछ । नेकपा सचिवालय अनुसार यो समूहले काठमाडौंमा मात्रै पचास हजार कार्यकर्ता उतार्ने बताएका छन ।

काठमाडौंमा उपत्यकामा बिहान साढे ११ बजेदेखि विभिन्न ठाउँबाट जुलुुस सुरु भएका छन् । टेकु, नयाँबानेश्वर, कुपन्डोल, लैनचौर र नक्शाल, बागबजार, रत्नपार्कबाट जुलुस सुरु भएका छन् ।

ती जुलुसहरु भृकुटीमण्डपमा जम्मा हुने भएका छन् । भृकुटीमण्डपमा अध्यक्षद्वय पुष्पकमल दाहाल, माधवकुमार नेपाल, वरिष्ठ नेता झलनाथ खनाललगायतले सम्बोधन गर्ने भएका छन् ।

यो समूहको बिहीबार बसेको केन्द्रीय कमिटीको बैठकले प्रधानमन्त्री र राष्ट्रपतिको कदम असंवैधानिक भएको भन्दै पहिलो चरणको कार्यक्रम अन्तर्गत पुस १४ गते देशव्यापी प्रदर्शन गर्ने निर्णय गरेको थियो ।