सोलुखुम्बु । माप्य दुधकोशी गाउँपालिका, सोलुखुम्बुको नेकपा गाउँपालिका कमिटीले सबै वडाहरुको सपथ ग्रहण कार्यक्रम सम्पन्न गरेको छ । ७ वटा बडाहरु रहेको गाउँपालिकामा ३ नं. वडाको सपथ ग्रहण गराएसँगै आइतबारदेखि वडा कमिटीहरुको सपथ ग्रहण सम्पन्न भएको हो । ६ वटा वडाहरुमा केही समयअघि नै सपथ ग्रहण गराईसकिएको भए पनि ३ नं. वडामा भने प्राविधिक कारणले सपथ ग्रहण गराउन ढिलाइ भएको नेकपा, माप्य दुधकोशी गाउँपालिका कमिटीका अध्यक्ष गौरव राईले जानकारी गराए ।

कार्तिक २ गते वासा, खास्ताममा आयोजित कार्यक्रममा प्रमुख अतिथि तथा नेकपा, सोलुखुम्बुका अध्यक्ष मानबीर राईले वडा कमिटीका अध्यक्ष, सचिव तथा सदस्यहरुलाई सपथ ग्रहण गराउनुभएको थियो । पूर्व एमालेका ठगिन्द्र कार्कीको अध्यक्षतामा गठित कमिटीको सचिवमा पूर्व माओवादीका सवास राई रहेका छन् । तर कमिटीका स्वयं अध्यक्ष भने सपथ ग्रहण कार्यक्रममा अनुपस्थित रहेका थिए ।

कार्यक्रममा बोल्दै प्रमुख अतिथि मानीबर राईले आफूमा केही गुनासा र असन्तुष्टीहरु रहेमा पार्टीको आफ्नो निकायमा राख्न अनुरोध गरेका थिए । ‘अब तपाईंहरुले आधिकारिकता पाउनुभएको छ । तपाईंहरुको आफ्नो निकाय छ । यदि तपाईंहरुको कुनै गुनासोहरु छन्, असन्तुष्टीहरु छन् भने आफ्नो त्यो निकायमा राख्नुहोला । सार्वजनिक रुपमा पार्टीको बदनाम हुनेगरी टिपप्पणी नगर्नुहोला’ राईले भने ।

त्यसैगरी कार्यक्रममा बोल्दै १ नं. प्रदेश कमिटी सदस्य ठमनाथ पराजुली (ध्रुब)ले कम्युनिष्ट पार्टीका हरेक सदस्य उत्पादनसँग जोडिनेपर्ने बताए । ‘हामी कम्युनिष्ट पार्टीका सदस्यहरु उत्पादनमा जोडिनुपर्छ । श्रमसँग जोडिनुपर्छ’, पराजुलीले भने ।

कार्यक्रममा बोल्दै माप्य दुधकोशी गाउँपालिकाका जननिर्वाचित अध्यक्ष तथा नेकपा सोलुखुम्बुका सचिवालय सदस्य बुद्धिकिरण राईले आफ्नो गाउँपालिका विकासका दृष्टीले सोलुखुम्बुकै पहिलो भएको बताए । ‘हाम्रो गाउँपलिकाको स्युरीम्या (महभीर)मा अन्तर्राष्ट्रिय स्तरको रक क्लाइम्बीङ सेन्टर बन्दै छ । खास्तापमा सम्भवतः नेपालमै पहिलो पटक स्थानीय तहमा रक क्लाइम्बीङ सेन्टर निर्माण भइसकेको छ’ राईले भने, ‘अब हामी स्थानीय पाठ्यक्रम तयार गर्दै छौं । त्यसका लागि हामीले विज्ञहरुसँग परामर्श गरिरहेका छौं ।’ कार्यक्रममा उनले प्रतिपक्षीहरुले छरेको भ्रममा नपर्न आफ्ना कार्यकर्ताहरुलाई अनुरोध गरेका थिए ।

त्यसैगरी कार्यक्रममा नेकपा सोलुखुम्बुका सचिवालय सदस्य आसकुमार राई (शिशिर)ले प्रशिक्षणात्मक भनाई राखेका थिए । कम्युनिष्टहरु सर्वहारावर्गको प्रतिनिधि भएको बताउँदै आफ्नो वर्गको हितमा प्रतिवद्ध भएर अघि बढ्न उनले निर्देशन गरेका थिए । कार्यक्रममा नेकपा, माप्य दुधकोशीका अध्यक्ष गौरव राईले आफ्नो मन्तव्यका क्रममा पार्टी एकीकरण प्रक्रियामै रहेकाले एकअर्कामा बढिभन्दा बढि घुलमील भएर जानुपर्ने बताए । कार्यक्रममा जिल्ला कमिटी सदस्यहरु नारायणकाजी श्रेष्ठ, जुनितामाया मगर, गणेशकुमार राई (बसन्त), प्रकाश खालिङ, अजय किरातीलगायतले प्रशिक्षणात्मक भनाई राखेका थिए ।

वडा कमिटीको विवरण
अध्यक्षः ठगिन्द्र कार्की
सचिवः सुवास राई
सदस्यहरुः
जितबहादुर कार्की
भीमबहादुर कार्की
गोकर्ण कार्क
दिलबहादुर कार्की
इन्द्र कार्की
नारायण विश्वकर्मा
कुमारी कार्की
देवता कार्की
गणेश कार्की
धनबहादुर कार्की
किरण राई
टंकबहादर भुजेल
सचिन राई
जाङ्बु राई
सुस्मा विश्वकर्मा
जोरबीर राई
गोबिन्द राई
करण राई
सुजता नेपाली
दिवस एलीसा राई
लाल बहादुर विश्वकर्मा
उत्रमान राई
छत्र भुजेल
निरु राई
लाल बहादुर राई
ध्रुव नेपाली
खेम प्रसाद राई
शिव बहादुर राई
दीर्गबहादुर राई