सोलुखुम्बुमा चार जनामा कोरोना भएको पुष्ठि
गाउँले न्युज, सोलुखुम्बु । सोलुखुम्बु जिल्लामा चारजनामा कोरोना भाइरस संक्रमण पुष्टि भएको छ । स्वाव संकलन गरी पिसिआर परीक्षणका लागि पठाइएका २६ जना मध्ये चार जनामा कोरोना संक्रमण देखिएको जिल्ला स्वास्थ्य कार्यालय सोलुखुम्बुले जनाएको छ ।
कोरोना (कोभिड-१९) संक्रमितमध्ये सोलुदुधकुण्ड नगरपालिका ११ तिङलाका २६ बर्षिय र वडा नं ८ केरुङका ३० बर्षिय पुरुष रहेका छन् भने थुलुङ दुधकोशीगाउँपालिका ५ का ३२ बर्षिय र वडा नं ७ का ३४ बर्षिय पुरुषमा कोरोना पुष्टि भएको हो ।
उनीहरु साउदीबाट गत जेठमा नेपालफर्किएका हुन् । संक्रमण पुष्टि भएका ती यूवा जिल्ला अस्पताल फाप्लु र थुलुङदूधकोशी गाउँपालिकाको क्वारिन्टीन रहेका छन ।
उनीहरुको अवस्था सामान्य रहेपनि आइसोलेशन वार्डमा सार्ने तयारी भएको स्रोतले जनाएको छ । स्वाव संकलन गरी पठाइएका अन्य २२ जनामध्ये ३ जनाको पिसिआर रिर्पोट आउनबाँकी छ । सोलुदूधकुण्ड नगरपालिकाको १६, थुलुङदुधकोशी र महाकुलुङ गाउँपालिकाको ४/४ र सोताङ गाउँपालिकाको २ जनाको स्वाव संकलन गरी पिसिआर परीक्षणका लागि पठाइएको थियो ।
यसअघि कोरोना संक्रमित सोलुदूधकुण्ड नगरपालिका ८ का एक २७ बर्षिय यूवा उपचारपछि निको भएर घर फर्किएका छन् भने अर्का एक संक्रमितको भक्तपुरमा उपचार भइरहेको छ ।
sourse:himshikharnews
