नेकपा माप्य दुधकोशी-काठमाडौं सम्पर्क कमिटिद्वारा २०७७ सालको क्यालेन्डर सार्वजानिक

जेठ २८, काठमाडौं – नेपाल कम्युनिष्ट पार्टी (नेकपा) माप्य दुधकोशी काठमाडौं सम्पर्क कमिटिले २०७७ सलको भित्तेपात्रो (क्यालेन्डर) बुधबार काठमाडौंमा सार्वजानिक गरेको छ ।

टुसालमा आयोजित लोकार्पण कार्यक्रमका प्रमुख अतिथि प्रतिनिधिसभाका सांसद हेम कुमार राई, अतिथि नेकपा सोलुखुम्बुका सचिव गोम्बु शेर्पा (कर्ज्याङ), माप्य दुधकोशी १ का वडा अध्यक्ष अगम कुमार राई र माप्य दुधकोशी-काठमाडौं सम्पर्क कमिटिका अध्यक्ष चन्द्र प्रसाद घिमिरेले क्यालेन्डर लोकर्पण गरेका थिए । कोरोना भाइरसको प्रकोपका कारण क्यालेन्डर प्रकाशनमा ढिलो भएको कमिटिका अध्यक्ष चन्द्र प्रसाद घिमिरेले बताएका छन् ।

यसै समारोहका बिच नेकपामा प्रवेश गरेका आङ्टु राईलाई खादा ओढाएर स्वागत गरिएको कमिटिका अध्यक्ष चन्द्र प्रसाद घिमिरेले जानकारी दिए ।

*नव प्रवेशी आङ्टु राई (बायाँबाट दोस्रो खादा लगाएको)*

कमिटिका अध्यक्ष घिमिरेको अध्यक्षतामा सप्पन्न समारोहमा नेकपा सोलुखुम्बुका सदस्य अर्जुन राई, युवा संघका केन्द्रीय सदस्य हेमचन्द्र राई,युवा नेता भुपेन कट्टेल लगायत ५० जनाको उपस्थिति रहेको थियो ।