- TRENDING
- ENGLISH
हालको खबर
कविता – ‘मन’
शशिकला राईको कविता
रंगिन अनि कलिला सपनालाई,
फक्राएको हेर्न मन छ ।
थाहा नभई भिजाएको,
सिरेटोलाई मेट्न मन छ ।
दुई चार शब्द अनि दृश्यलाई,
कोर्न मन छ ।
आधिबाटो हैन अब,
अघिबाटो हिंड्ने मन छ ।
हिजो आज सपनीमा हैन,
बिपनिमा देख्न मन छ ।
काडा हैन, टाढा हैन,
सगै जङघार तर्न मन छ ।
बिश्वासमाथि घात हैन,
मायाको ओत लाग्ने मन छ ।
बिडम्बनालाई छायाँमा परिनत गरी,
सङै सङघार तर्ने मन छ ।
जल अर्पन गरि बस्नु तिमी,
मलाई सुर्यको किरण बनी
आउने मन छ ।
थाहै नपाई न्यानो साथ रोज्ने मन छ ।
थाहा छ,
तिम्रो आदर्शभाव
तर पनि,
सँगै जीवन काट्ने रहर छ ।
***
कवि शशिकला राईसँग सामाजिक संजालमा जोडिन यहाँ क्लिक गर्नुहोस् ।
