- TRENDING
- ENGLISH
हालको खबर
एक हप्तासम्म मौसममा सुधार नआउने
बैशाख २२, काठमाडौं – एक सातासम्म बदली र हावा हुरिसहित पानी पर्ने मौसमविदले बताएका छन् ।
पश्चिमी वायु र बङ्गालको खाडीबाट आएको जलवाष्पयुक्त हावाका कारण मौसम बदली भइ देशका विभिन्न ठाउँमा पानी परेको मौसमविद् गङ्गा नगरकोटीको भनाइ छ ।
यसपालि बङ्गालको खाडीबाट जलवाष्पयुक्त हावा आइरहेकाले लगातार जसो पानी परिरहेको हो । मौसमविद् नगरकोटीले यो साताभरिकै मौसम यस्तै रहने सम्भावना रहेको जानकारी दिएका छन् । बङ्गालको खाडीबाट जलवाष्पयुक्त हावा आउने क्रम नरोकिएको र पश्चिमी वायुसँगै स्थानीय वायुको पनि प्रभाव भएकाले मौसम बदली भइ लगातार जसो पानी परिरहेको हो ।
