ओर्लाङ्घाटमा निर्माणधिन माप्य–खुम्बु मितेरी ट्रस ब्रिजको काम तिब्र गतिमा

गाउले सम्बाददाता

गाउँले न्युज, सोलुखुम्बु । माप्य दुधकोशी गाउँपालिकाको ओर्लाङ्घाट स्थित दुधकोशी नदिमा निर्माणधिन माप्य–खुम्बु मितेरी ट्रस ब्रिजको काम तिब्र गतिमा भईरहेको छ ।
सगरमाथाको फेदिसम्मको सिधा यातायात सञ्चालनको लागि निर्मानाधिन माप्य–खुम्बु मितेरी ट्रस ब्रिजको काम ८० प्रतिशत भन्दा बढि सकिएको छ ।
माप्य दुधकोशी गाउँपालिका, खुम्बु पासाङ्ल्यमु गाउँलिका, प्रदेश सरकार र संघीय सरकारको संयुक्त लगानिमा निर्मानाधिन माप्य–खुम्बु मितेरी ट्रस ब्रिजको फाउण्डेशन उठाउने, पिलर ठढ्याउने र स्टिल राख्ने काम सम्पन्न भएको छ ।
गाउँपालिकाको गौरबको आयोजनाको रुपमा लिएको उक्त ट्रस ब्रिजको काम मौसम प्रतिकुलता र अहिले विश्वमा चलेको महामारी कोभिड १९ को लकडाउनको बाबजुद पनि समय सिमामानै सम्पन्न गर्ने गाउँपालिका अध्यक्ष बुद्धिकिरण राईले बताए ।