सुमित्र राईको ‘माइतिलाई माया मारेर’ गीतको भिडियो सार्वजनिक

गाउँले न्यूज, काठमाण्डौ । सुमित्र राईको स्वरमा रहेको ‘माइतिलाई माया मारेर’ गीतको म्युजिक भिडियो सार्वजनिक भएको छ । राष्ट्रिय गानका रचयीता व्याकुल माइलाको शब्दमा जसिहाङ राईले संगित भर्नुभएको गीतको भिडियो बुधबार एक कार्यक्रम बीच सार्वजनिक गरिएको छ ।

कार्यक्रममा बौल्दै वरिष्ठ गीतकार व्याकुल माईलाले आफ्नो रचनालाई स्वर, संगित र भिडियोले सोचेभन्दा बढि न्याय गरेको बताए । फरक उद्देश्यहरुको संयोजनले निखारता ल्याएजस्तै यस गितले पनि ज्यादा महत्व पाउने बताए । राम्रो शब्द हुँदा हुँदै पनि संगित र भिडियोमा गरिएको लापर्वाहीले आफ्ना दर्जनौँ गीतहरु गुमनाम भएको गीतकार माईलाले दुखेसो गर्नुभयो । माइतिलाई माया मारेर गीत सम्पुर्ण रुपमा स्तरिय रहेकाले श्रोताले रुचाउने उहाँको विश्वास छ ।

गीतको म्युजिक भिडियोमा फिचरिङ्ग चर्चित हास्या कलाकार उमेश राइ फुल्यानन्देको आमा, सकुन्तला राई, सुमन तमाङको रहेको छ । गाउँले इन्टरटेनमेन्टको ब्यानरमा निर्माण भएको म्युजिक भिडियोमा निर्देसन देभराज गुरुङ को रहेको छ भने छायाङकन र सम्पादन गंगाराम राईको रहेको छ ।

गायीका सुमित्र राई नेपाली साङ्गीतिक आकाशमा उदाउँदो व्यक्ति हुन ।