भदौ ९, काठमाडौं । पत्रकार शालिकराम पुडासैनी आत्महत्या प्रकरणमा पक्राउ परेका टेलिभिजन कार्यक्रम प्रस्तोता रवि लामिछानेसहित ३ जना धरौटीमा छाड्न जिल्ला अदालत चितवनले आदेश दिएको छ । जिल्ला अदालत, चितवनले लामिछानेलाई ५ लाख, सञ्चारकर्मी युवराज कँडेललाई ३ लाख र नर्स अस्मिता भनिने रुकु कार्कीलाई साधारण तारेखमा छाड्न आदेश दिएको थियो ।

सोमबार जिल्ला अदालत, चितवनका न्यायधीश हेमन्तप्रकाश रावलको इजलासले आत्महत्या दुरूत्साहन गरेको कसूरमा धरौटी लिएर तीनै जनालाई छाड्न आदेश दिएको हो । यसअघि जिल्ला प्रहरी कार्यालय, चितवनले १० दिनसम्म अनुसन्धान गरेर आइतबार रायसहितको प्रतिवेदन जिल्ला सरकारी वकिल कार्यालयमा बुझाएको थियो । कार्यालयले अनुसन्धान प्रतिवेदनको अध्ययन सोही दिन सकेर जिल्ला अदालत, चितवनमा आत्महत्या दुत्साहनको मुद्दा दर्ता गराएको थियो ।

माउन्टेन टेलिभिजका पत्रकार शालिकराम पुडासैनी साउन गते चितवनको एक होटलमा झुण्डिएको अवस्थामा भेटिएका थिए । पत्रकार पुडासैनी ‘सिधा कुरा जनतासँग’का पूर्वसंवाददाता हुन् । हालै न्यूज ट्वेन्टी फो टेलिभिजन छाडेर उनी माउन्टेन टेलिभिजनमा उनी कार्यरत थिए ।

आत्महत्या गर्नुपूर्व उनले लामिछाने, कँडेल र कार्कीका कारण आफू मर्न बाध्य भएको भन्दै आफ्नो मोबाइलमा रेकर्ड गरेको भिडियो बाहिरिएपछि प्रहरीले साउन ३० गते तीनै जनालार्इ गिरफ्तार गरेको थियो ।
-अनलाइन खबर